Ørsta Inner Wheel Klubb
Charterdag: 10.okt. 1956
Møtedag: Første onsdag i mnd. Kl. 19.30
Møtestad: Kantina til Nordea Bank
Fadder: Bergen IW
Medlemstal: 30
Styret 2011-2012
- President Kari Juel Rogne
- Visepresident Sigrun Myklebust
- Past president Åshild Taklo
- Sekretær Eli-Berit Strande
- Kasserar Marit Aasen
- ISO Berit Hatlestad
- Styremedlem Sigrid Hovde
Medlemsmøte 2. mai 2012
Denne dagen var 24 medlemar på utflukt. Vi tok turen til Ragnhild og Bjarne Øye si hytte på Urke.
Ragnhild serverte nydeleg kjøtsuppe og flatbrød og vertinnene Jenny og Eli (Lannerholm) hadde
baka kake til kaffien.
Etter velkomsthelsing og diktlesing av Ragnhild, song vi «No livnar det i lundar»
Der var nydelege dekka bord med kvitveis og tulipanar og der var plass til alle. Nokre sat inne i hytta og andre ute på terrassen med varmeomnar og pledd. Triveleg!!
President Kari informerte litt frå Convention m.a er det no opna for at medlemar til IW kan vervast fritt utan direkte tilknytning til Rotary. Ho sa også at neste Convention blir i København.
Jenny har printa ut boka om «Svalene 50 år» frå nettet. Denne kan lånast ut til medlemane. Det er ISO som administrerer utleiga. Takk til Jenny for jobben!!
91 år gamle Ingrid kunne fortelje at ho var kasserar i klubben i 1964 og då blei det sendt støtte til Svalene. Dermed har altså Ørsta klubben støtta Svalene mest heile tida.
Ragnhild (Høydalsvik) hadde eit tankevekkande 3 min som ho avlsutta med å vise eit bilde med
teksten:» Fyll dagen med liv, ikkje livet med dagar»
Ragna(Riise) og Bjarne fortalde og mimra litt om turismen på Øye og Hjørundfjorden i «gamle dagar».Det kunne vere opp til 70-100 hestar som tok turistane med gjennom Nordangsdalen frå dei mange turistskipa som vitja fjorden. Frå skipa blei det også kasta ting som folk langs fjprden plukka opp.
Loddsalet gjekk kjapt unna, og så var det gruppebilde av blide damer i vakker natur.
Tida går fort i godt lag, og det høyrdest på latter og prat at folk kosa seg.
President Kari takka vertskapet Ragnhild og Bjarne for alt dei hadde gjort for at vi skulle få ein så
hyggeleg kveld.
Vår kjære sjåfør Steinar blei sjølvsagt også takka for at han så velvilleg stiller opp.
Pres. Kari minte så om vårfesten på Rjånes den 12 juni 2012 kl. 19.00 saman med Rotary.
Medlemane tek med mat på fat, kanne med kaffi eller the,gevinst, kopp/asjett/teskei og loddpengar.
Vi fekk tid til å synge eit par songar til, før vi måtte bryte opp for å rekke ferga.
Praten gjekk fortsatt livleg då vi i 23-tida var tilbake i Ørsta og kunne takke kvarandre for ein triveleg og vellukka hyttetur.
Eli Berit Strande
– sekr -
____________________________________________________________________________
Medlemsmøte 11 april 2012.
Vi var 17 medlemar samla til møte for å høyre vår nye rådmann Wenche Solheim.
Til tross for influensa, stilte ho opp og delte tankar med oss som ho har for stillinga som ho gjekk inn i den 11 juni 2011. Ho er utdanna sosionom og har ein master i leiing.
Den beste skulen har ho likevel fått ved å verte leia av gode leiarar.
Ho fortalde at det er mange utfordringar i Ørsta kommune. Det tek tid å endre ein stor organisasjon.
( 700 årsverk/ 1000 tilsette ). Planlegging – nybygg – sjukmeldingsreduksjon – tilsynsbesøk – halde
på ungdomane i bygda etc og ikkje minst få kontroll på økonomien.
I 2004 var der «sparepengar» på ca 30 mill, men no er der heilt tomt. Korleis auke inntektene og redusere utgiftene?
Formannskapet er som eit styre i ei bedrft, men her er mest alltid pressa tilstades.
Ho fortalde også at dei slit med IKT p.g.a ulike system som ikkje «snakkar» med kvarandre.
Rådmannen har mange tankar om leiarskap i organisasjonen og meinar at dyktige trygge leiarar gjev trygge, fornøgde og gode medarbeidarar som både blir sett og høyrt.
Forandring fører ikkje alltid til forbedring, men ved ei forbedring så må noko endrast.
Ho informerte om sparetiltak som t.d nedlegging av skular, om bustadfelt i utkantane, om matombringing frå eit storkjøkken osv . I dette låg det mykje «sprengstoff» som medlemane gjerne ville diskutere. Ho svarte på ein del spørsmål, men vi kunne gjerne brukt enda lenger tid til diskusjon og det er sant som ho sa at kommunen det er «vi» og ikkje»dei».
President Kari overrekte rose som takk for eit interessant foredrag.
Vertinnene Kirsti og Solrunn, serverte nydelege vafler til kaffien, og på loddsalet kom det inn kr. 850.-
Sekretær Eli Berit orienterte litt om blåboka og retningslinjer for kva som skal stå i adresseregisteret for medlemane.
Vårturen 2 mai, går til Ragnhild si hytte på Urke. Påmeldingsskjema blei sendt rundt og sekretæren tek kontakt og orienterar dei som ikkje var på møte.
ISO Berit takka for rosesalet som resulterte i 12246.- kr som blir sedt til utdanning av narkotikahund. 600 roser blei selde.
Ho las brev frå vennskapsklubbane Stege i Dannmark og Ljungby i Sverge.
Ho refererte også til månadsbrev frå Diso Turid som minte om orda frå Hæssels bok: «stopp likgyldigheten, vær engasjert»
President Kari fortalde så frå distriktsårsmøte i Bodø der ho og visepres. Sigrun deltok.
Eli Berit Strande
- sekr. -
Medlemsmøte 1. februar 2012.
Vi var 19 medlemar og 2 observatørar som møttest til årsmøte denne kvelden.
Vi hadde invitert Merete Flø ( frå Ørsta p.t Svalbard) til å fortelje om det ½ året ho var på Bjørnøya som metrologfullmektig.
Ho var på Bjørnøya frå 28 mai til 9 desember 2011. Dette var eit opphald som ho søkte på. Tilsaman var der 9 personar totalt på Bjørnøya.
Dette «vaktlaget» blir skifta ut kvar ½ år.
Bjørnøya som ligg mellom Svalbard og Norge, er 21/2 mil på det lengste. Heile øya er naturreservat. Det høgste fjellet er 535 m.o.h. Der er 700 vatn med mykje fisk i spesielt ishavsrøye. I havet er der mykje fisk og dei hadde ofte fersk torsk til middag.
Vaktlaget til Merete, var 6 menn og 3 kvinner derav 2 kokker.
Matserveringa på Bjørnøya er som på det flottaste hotell og det mangla ikkje på nokon ting.
Dei får forsyning via kystvaktskipet som kjem kvar 4-6 veke, og i periodar kan dette vere einaste «kontakta» med omverda.
Om sommaren er der fleire som «stikk inn om», og der er etablert Bjørnøya nakenbadforrening som til no har 2800 medlemar. For å motta denne diplomen, må du ha bada naken i Barentshavet medan ein av motsatt kjønn ser på. Dette er eit populært tiltak.
Det er verobservasjon og rapportering som er arbeidet på Bjørnøya. Dei 9 som er der har hatt 1 vekes opplæring i Tromsø, og gått gjennom grundig legesjekk både fysisk og psykisk. Rabiesvaksnine er også obligatorisk.
Når det gjeld medisinsk hjelp, så er der forbindelse til sjukehuset i Longjerbyen, og det tek 1 ½ timie med helikopter til Bjørnøya. Der er dessutan eit stort medisinlager som dei kan bruke etter konsultasjon med lege i Longjerbyen.
Der er vaktordning med 3 dagar på og 3 dagar fri. I friperiodane blir det mykje friluftsliv og forholda er lagt svært godt til rettes for å drive med ulike fritidsaktivitetar.I vinterhalvåret må dei alltid gå med våpen for då kjem isbjørn med isen.
Løna er veldig god. Dei tener ei god årsløn på eit halvt år.
Frå president Kari fekk ho overrekt rose som takk for eit interessant foredrag i ord og bilde.
Etter matpausen med rundstykker, var det lyssermoni og opptak av 2 nye medlemar:
Norunn Brekke og Liv Grete Romestrand Løken
Val til nytt styre vart leia av past president Ingun Natvik. Det gjekk greit unna og alle blei valde ved akklamasjon.
Styret 2012/2013 blir då:
President : Sigrun Myklebust.
Visepresident: Jenny Godø Vatne.
Pastpresident: Kari Juel Rogne .
Kasserer : Kjellfrid Osdal
ISO : Berit Norunn Hatlestad.
Sekretær : Eli Berit Strande
Styremedlem : Eli Øvstegård Lannerholm
Revisor : Marit Åsen
Kasserer Marit la fram rekneskapen revidert av Kjellfrid Osdal. Det var ingen merknadar. Frå neste gong er det bestemt at rekneskapet skal følgje klubbåret.
Ørsta/Volda ballettskule skal til Aberdeen på Internasjonal Youth Festival i august 2012. Klubben støtta styret sitt vedtak om å yte kr. 2000.-
3 min, var ved Eldrid Ose som reflekterte litt om dagsaktuelle tema som lavkarbo, smørkrise, «Dagmar» og glatte vegar og avslutta med ønskje om ein god vår til alle.
President Kari hadde så diverse informasjon:
*Eldrefesten blir 13 mars kl 18.00. Husk bløtkake og ei kanne kaffi.
*Sigrun og Kari reiser til Bodø på Distriktsårsmøte i mars
*Kari Juel Rogne stiller som 2 visedistriktspresident.
*Molde IW er avslutta som klubb.
*Intercitymøte blir i Volda september 2012.
*Medlemsmøte i april blir 11 april 2012.
*Vi planlegg utflukt den 02.05.12
*Sommaravslutning på Rjåneset blir den 12 juni 2012
ISO Berit informerte om Madagaskarprosjektet som no er avslutta men som har gitt høgare utdanning til mange tusen born.
Vaktliste for rosesalget den 24 mars 2012 blei delt ut. Vi skal selge 600 roser.
Styret møter 23 mars hjå Berit for å klargjere rosene.
Kasserer Marit las frå Svalene og informerte om at det er utgitt jubileumsbok men den er berre på nettet. www.svalene.no
Styret prøver å få til ein papirversjon av boka.
Ein innhaldsrik kveld blei avslutta med songen: « De nære ting»
Fellesmøte mellom Ørsta IW og Volda IW 11.01.
Møtestad: Bakk Ola Marka, Ørsta
Det var Volda IW som stod for arrangementet dette året. ISO i Volda Sissel Andersen
ønskte velkomen og informerte litt om bygget Bakk Ola marka der ho har jobba i 9 år. Ho og 4 andre er tilsette i Furene arbeidstrening, men arbeidstaden er dette bygget der dei tek imot folk som er inne til diverse arbeidstreningstiltak.
Ordninga er i samarbeid med Nav.
Aktivitets-senteret er ope kvar dag frå kl. 10.00 – 15.00.
Her er då aktivitetar som bingo, seniordans, fotpleie, frisør, andakt , kafèdrift , m.m.
Lokalet blir også utleigd til private arrangement og til lag og organisasjonar.
Her blir også kontroll av høyreapp.
Det blir også laga ting til utlodning og inntekta går til oppgraderingstiltak på huset.
Vi song venskapsvise med ISO i Ørsta Berit Hatlestad ved pianoet.
Hovudgjest var Merete Heggedal Longvastøl frå Naustdal i Sunnfjord, men p.t lærar i Volda.
Ho fortalde om sitt forhold til ein barneheim i Bolivia, der ho er «tante» til 100 born.
Engasjementet starta med eit besøk i 2006 som varte i 4 mnd. Sidan har ho vore der 2 gongar. Barneheimen heiter: «Hogar Shalom es mi casa» og tyder Fred.
Grunnleggaren av denne private barneheimen, er ein universitetslektor som heiter Anna. Ein dag såg ho ein gut som hadde heimen sin på gata og sov med noko plast over seg. Dette synet følgde henne gjennom natta, så om morgonen gjekk ho med mat til guten. Etter kvart kom fleire til og ho hadde til slutt 10 stk som ho gav mat og etter kvart tok inn i heimen sin. (1997)
Dette var forløparen til barneheimen som i dag har plass til 100 born. Dei er fordelte med 12 born og 2 foreldre i kvar boeining.
Her får borna bu til dei har fått seg ei utdanning. Barneheimen blir driven med støtte frå kristne vesentleg frå USA. Borna blir plukka ut av barnevernet.
Merete hadde fleire rystande historier å fortelje om kva desse borna hadde opplevd før dei fekk kome på barneheimen.
Merete engasjerte seg i ball leik for dei og har starta vollyballtrening for dei og har sendt både ballar og drakter dit med støtte frå idrettslag i heimbygd.
Privat støttar ho og familien barneheimen med div. tiltak.
Til sommaren reiser ho ein tur tilbake.
Inntekta av loddsalet denne kvelden gjekk sjølvsagt til barneheimen i Bolivia. Det kom inn kr. 4400.-
Eli Halsen Ørsta IW, hadde eit flott 3 min innslag med fokus på det gode liv.
Det ein sender ut får ein tilbake. Ho avslutta med å seie: « Fortsett med å gjere
det som gjer livet ditt godt å leve»
ISO Berit Hatlestad las helsingar frå vennskapsklubbane Ljungby (Sverige) og Stege(Dannmark)
Til slutt hadde presidentane for klubbane : Kari Juel Rogne Ørsta IW og
Åshild Longvastøl Volda IW, innlegg med diverse opplysningar og takka for ein triveleg kveld i lag.
Møta har vi hatt i vårt faste lokale i Nordea banken .
Vi har hatt foredrag av tidlegare flyktningkonsulent Birgitte Sætre. Ho fortalde om arbeidet sitt i kommunen og om dei utfordringane ho hadde møtt i forhold til « våre nye landsmenn».
Klubben fekk tilsendt «Forslag til handlingsplan for økt aktivitet D 27 2012-2016
Del 2 Mål og tiltak» til uttale. Planen blei drøfta på klubbmøte og resultatet blei vidaresendt til distriktspresidenten.
I august hadde vi besøk frå vennskapsklubben vår i Ljungby i Sverige. Vi var vertar for 10 gjester og hadde ei svært triveleg helg i Ørsta og omegn. Blandt gjestene var det 4 Rotaryanarar. Mange frå Ørsta Rotaryklubb stilte opp og gjorde mykje til at besøket vart så vellukka. Vi var ca 40 stk. samla på dei fleste arrangementa.
På første møtet hadde vi evaluering av besøket, og vi kunne konkludere med at det hadde vore med og berika klubben, og at nye vennskapsband var knytta.
25 september var 6 stk frå Ørsta I.W på Intercity møte i Ulsteinvik. Distriktspresident Ingebjørg Ivarrud var tilstades der.
Iso Berit Hatlestad har delteke på ISO/ DISO treffet i Stjørdal 17 og 18 september.
Vidare har ho på kvart møte hatt informative innlegg der ho har fortalt om diverse program og prosjekt som er på gang.
«3min» og loddsalg har vi hatt på kvart møte, og elles opna for diverse spontane innlegg frå medlemane. M.a hadde 91 år gamle Ingrid Hovden teke med ei lærebok frå 1863 som ho las litt frå under tittelen:»Forberedelse til renlesning»
Den 7 september døydde vår mangeårige medlem Lillian Hagen. Frå Ørsta I.W la president Kari Juel Rogne bårebukett på kista ved gravferda den16 september. Mange av medlemane var med i kyrkja og på minnestunda på Bedehuset etterpå.
Solrun Sætre var på Landstreff i Halden i august og gav oss eit inspirerande referat derifrå.
Ørsta IW klubb var 55 år den 10 oktober. Vi feira oss sjølve med attersyn som Liv Rørnes hadde. Ho har vore medlem sidan 1959 altså i 52 av 55år. Pres. Kari las helsingar frå andre klubbar og det blei ekstra servering og tid til «mimre-prat».
Julemøtet hadde vi saman med Rotary på Rekkedal Gjestehus den 13 desember.
Det var både vellukka og kjekt og etter kvart er dette vorte ein god tradisjon.
Etter sommaravslutninga på Rjånes, blei det sendt kr. 4000.- til Svalene.
Dei to observatørane som har delteke på fleire møte, har gitt uttrykk for at dei ønskjer å bli tekne opp som medlemar. Dette blir nok gjort i starten på nytt semester.
Dei som har hatt «runde dagar» har fått blomster (orkide`) frå klubben.
Styret har fungert godt, og president Kari Juel Rogne har vore ein trygg og sikker «skipper på skuta»
Styret ønskjer alle medlemane i Ørsta Inner Wheel klubb eit godt nytt år med mange fine opplevingar og eit godt fellesskap.
Ørsta den 8 januar 2012
Eli Berit Strande
- sekr.-
Medlemsmøte 02.11.11
Vi var 19 medlemar og 2 observatørar samla til novembermøtet i Ørsta IW -klubb. President Kari Juel Rogne var vekk, så det var visepresident Sigrun Myklebust som på ein ryddig og grei måte, leia møtet.
Hovudposten var ved nypensjonert flyktningsekr. Birgitte Sætre. Ho fortalde om sine erfaringar med flyktningar gjennom 22 år i kommunen. Ørsta kommune har teke imot flyktningar sidan slutten på 80-talet. Første åra fekk kommunen velje nasjonalitet, så då kom det 10 flyktningar frå Iran kvart år. Seinare vart det ikkje høve til å bestemme, så då blei det teke imot frå ma Afganistan, Liberia, Somalia, Kossovo, Bosnia, Irak, Kongo og Eritrea, og det årlege antalet har variert. Flyktningar frå t.d Somalia og Liberia forstår «oss» betre, då dei kan både engelsk og fransk og har hatt «vestleg styre». Bosniarane har og lettare for å lære norsk. Dei fleste flyktningane har vore innom mottak før dei kjem til kommunen. Overføringsflyktningane frå FN teltleir, har kanskje levd i leiren i fleire år, og det tek lang tid før dei klarer å finne seg til rette. Flyktningane kan også slite med psykiske problem. I 2004 kom introduksjonslova som krev at flyktningane skal gå på skule som på jobb. Skule skal dei starte med så snart som mogleg, både for å lære norsk, men også for å unngå isolasjon. Det er viktig å kome i gang med integreringa. Når dei har budd i Norge i 7 år, kan dei søkje om norsk statsborgarskap. Det er mykje som skal lærast og det krevst at informasjonen blir gjentatt og gjentatt. Dei er ikkje noko einsarta gruppe, så det er viktig å sjå på behovet for kvar enkelt. Birgitte fekk rose som takk for innlegget.
Visepresidenten las helsingar frå distriktspresident Ingebjørg Ivarrud og klubbpresident Marit Hanken i Ålesund IW, som klubben hadde fått i høve 55 års jubileumet.
Eldrid Ose takka for blomster til sin 85 års dag. På møtet fekk Åsta Bjørdal blomster til sin 60 års dag.
Eli Berit refererte frå brev frå Ljungby som Iris Steiner hadde skrive og helsa til alle i Ørsta IW klubb.
Iso Berit hadde fått månadsbrev frå Diso Turid Sandstad som minte om at det må leggast stor vekt på det internasjonale arbeidet og at det må setjast av tid på møta til informasjon. «Fokus» er forum for kvinner og utdanning og «Mira» som ligg under det, arrangerer kurs den 25. november -11 i Oslo om «vold mot kvinner med minoritetsbakgrunn». Neste Iso/Diso treffet blir lagt til Gardermoen p.g.a reisetid. Det er ønskjeleg at alle distrikta får same opplevinga av desse treffa som D27 har. Eit forslag som er til drøfting er om alle distrikta skal slå seg saman til treff ein dag t.d
Lokalt: Rosesalet blir 24.mars 2012 Fellesmøtet m/ Volda IW blir 11. januar 2012 kl. 19.30 på Bakk-Ola marka , Ørsta.
« 3min.» var ved Sigrid Hovden. Ho las dikt frå boka Konkyliens sang av Oddbjørg Husøy.
Det blei sendt rundt påmeldingsliste til julemøtet på Rekkedal Gjestegard den 13.12.11.Dei som ikkje var på møtet, vil bli kontakta av sekretæren.
«Forslag til handlingsplan for økt aktivitet i D 27 2012-2016 Del 2 Mål og tiltak» er sendt til klubben til uttale. Visepresidenten delte ut ein kopi av denne planen til kvar, og ba medlemane om å lese gjennom spesielt mål og tiltak og kome med innspel. Styret skal så samanfatte dette, og sende uttalen til ditriktspresidenten. Etter ein del «summing» var det eit «lyst hode», Jenny, som skar gjennom og gjekk på dei foreslåtte tiltaka: einig/ ikkje einig. Forslaget blei einstemmig vedteke med nokre kommentarar til. Styret skal samanfatte dette . Planen skal drøftast på Didtriktsårsmøte i Bodø i mars 2012.
91 år gamle Ingrid Hovden hadde teke med seg ei lærebok frå 1863 med tittelen; «Forberedelse til renlesning» . Ho las nokre avsnitt frå den boka og fortalde litt om tida med omgangsskule i heimane.
Vertinnene Ingun Natvik og Kjellfrid Osdal hadde sytt for god mat og kaffi. Åresalget gjekk greitt unna, og nokre songar blei det også tid til innimellom. Alt i alt ein triveleg Inner Wheel kveld.
Eli Berit Strande – sekretær
Medlemsmøte den 5/10-11.
Nitten medlemar var samla for å feire at vi som klubb er 55 år (10/10-11).President Kari Juel Rogne leia møtet og las helsing frå Volda IW-klubb.
Møtet blei opna med minneord og 1 min. stillhet for å heidre minne etter Lillian Hagen som døydde den 7/9-11. Frå Ørsta I.W -klubb, la presidenten bårebukett på kista ved gravferda 16/9-11.
Liv Rørnes har vore medlem i klubben sidan 1959, altså i 52 av 55 år. Ho hadde eit historisk attersyn frå tida i Ørsta I.W-klubb. Det var Asbjørg Djuvstein som var den første presidenten. Bergen IW-klubb er fadderklubb. Dei første åra var møta rundt om i heimane til medlemane. Først i 1970 åra blei vi tilhøyrande distrikt 27. Klubbsaker og praktiske oppgåver har prega klubben.
ISO Berit refererte frå ISO/DISO-treff i Stjørdal den 17-18/sept.-11. Av distriktet sine 13 klubbar, var berre 8 representerte. Riso kom heller ikkje.
Det blei informert om prosjekt som er på gang både nasjonale ( t.d narkotikahund, fistula 2, handicamp) og internasjonale ( m.a at unicef programmet vert avslutta )
På treffet var der innlegg ved Berit Johanne Hoås om prostitusjon og menneskehandel.
Det var ulike erfaringar med venskapsklubbar. Det blei vist til at det også går an å ha venskapsklubb med andre klubbar i Noreg.
Neste ISO/DISO-treff blir på Gardermoen.
Seks medlemmer frå Ørsta IW var på Intercity møte i Ulsteinvik. Distriktspresident Ingebjørg Ivarrud var tilstdes der.
3min. var ved Eli Lannerholm. Ho fortalde om den boka ho ville teke med seg til ei aude øy, nemleg romanen av den russiske forfattaren Dostojevskij. Boka heiter «Brødrene Karamazou» og omhandlar holdningar og verdiar som styrer oss menneske.
President Kari tok opp spørsmålet om evt. lesesirkel, men dette kjem ein evt. tilbake til seinare.
Solrun Sætre er heimesideredaktør og ho fortalde litt om arbeidet med den og oppmoda alle til å sende inn stoff og bilde.
Julemøtet blir på Rekkedal Gjestehus saman med Ørsta Rotary den 13.12.
IW-bladet kjem ut den 30 okt-11 Vi har sendt inn refr. og bilde frå Ljungby besøket.
Vi fekk god tid til ein hyggeleg prat og ekstra lang matpause der vi fekk servert både rundstykke og nydelege kaker.
Alt i alt ein triveleg kveld med feiring av oss sjølve som klubb.
Eli Berit Strande
sekr.
Medlemsmøte 7/9-11
Vi var 20 medlemmer, inkludert 2 observatørar, som var samla til første møtet i haustsemesteret. President Kari losa oss dyktig gjennom det ho kalla eit arbeids- og informasjonsmøte. Besøket frå Ljungby, vår venskapsklubb, blei gjennomgått med eit tilbakeblikk. Vi var einige i at det var «vel blåst», kjekt og økonomisk i god balanse. Vi har hatt besøk av ein utruleg flott gjeng som har berika oss alle.
Eli Berit Strande hadde 3 minutt, og ho las opp takketalen som president i Ljungby IW, Iris Steiner, heldt på Folkehøgskulen. ISO Berit Hatlestad las takkebrev frå gjestene. Ørsta vgs sponsa oss med minibuss og Steinar Hatlestad var gratis sjåfør, så vi er veldig takksame for den store støtta.
Det var omtala på møtet at vår kjære Lillian Hagen var alvorleg sjuk.
President Kari Juel Rogne refererte brev frå D-president Ingebjørg Ivarrud. Ho blir med på intercity-møtet i Ulsteinvik 25.september. Påmelding til dette skal skje til Doris Høybakk innan 15.september. Møtet startar kl.13.00. Kr 300,- skal betalast inn på konto 4137.07.16143 på førehand. ISO Berit Hatlestad reiser på ISO/DISO-treff i Stjørdal 17.-18.sept.
Matservering på møta. Pres Kari stadfesta den ordninga som no gjeld: Vertinnene held og kokar kaffi/te, ordnar med gevinst, dekker bord, tek med lys og serviettar og har ei enkel servering med kringle/skuffekake eller rundstykke med ost. Alle kan lage flott mat, men ingen skal overskride dette. Matpengar kr. 50.-, blir kravd inn saman med kontingenten .Vertinnene hentar nøkkel til lokalet i banken tidlegare same dag.
Past distr pres Britt Indresøvde utarbeidde eit spørjeskjema om IW kva no og i framtida? Dette blei diskutert på klubbnivå og på distriktsårsmøte. Noverande distr pres har jobba vidare med dette som skal munne ut i ein visjon for klubbane. Del 1 er sendt klubbane til info og gjennomgang og del 2 blir sendt ut i løpet av hausten.
På møtet blei det «summing» og gjennomgang av dette utkastet. Mange av medlemene gav utrykk for at IW har betydd mykje for dei og at dei trivst godt i klubben som er både variert i innhald og triveleg.
Vi var samde om at samandraget på utkastet virka noko negativt og at klubben blir ikkje betre enn du gjer han til sjølv. Trivst vi, vil det ha smitteeffekt på alle medlemane i klubben.
Det var styret som var vertinner for kvelden og Åshild hadde baka nydeleg kringle.
Eli Berit Strande
sekretær
Besøket frå venskapsklubben Ljungby i Sverige, var i dagane 19-22 august
Dette vart ei svært triveleg helg både for dei 10 gjestene( 6 damer og 4 menn), og for oss som var vertskap.
Steinar gjorde ein fantastisk jobb som sjåfør i minibuss heile helga !!!!
Laurdag starta vi omvisning i Ørsta kyrkje.Kyrkjetenar Aslak Solbjørg orienterte.
Turen gikk så vidare til Aasentunet .Der såg vi filmen som er laga om Ivar Aasen og fekk orientering om viktige hendingaar i livet hans.
Etter tur gjennom verdas djupaste tunell, hadde vi stopp i Fosnavåg og åt nydeleg fiskesuppe på Fosnavåg brygge. Det blei litt tid til rusling og butikk, før vi reiste vidare til Runde.Eit blikkstilt hav i solskin møtte oss der.
Om kvelden samlast vi ca 40 personar på Ørsta vidaregåande skule. Her var det kåseri av Anders Roald og song av Einar og Sæbjørn.
Maten var eit innhaldsrikt koldtbord med dessert og kaffi etterpå. Livleg prat viste at stemninga var på topp.
Søndag kom med nydeleg ver og kl. 10.00 var vi på hjul til Sæbø, Nilsbuda, Taklogalleriet og Riisetunmodellen.
På Union hotell på Øye fekk vi vandre rundt, og vi let oss alle begeistre over det fine vi såg.Vi fekk servert kaffi med nydeleg eplekake,is og vaniljesaus til.
Hotellsjef Marianne Øye orienterte om hotellet og historia bak, og tilslutt song ho til oss med ei flott operastemme. Ei allsidig dame som trivst i jobben sin.
Gjennom Norangsdalen blei det fleire stopp både for å sjå og for å forevige inntrykka gjennom kamera. Bjarne var guide på denne turen som enda på hytta som han og Ragnhild har på Urke. Her var det « strøkent» og koseleg både inne og ute.
Mykje arbeid var nok lagt ned for å få til eit langbord til 34 personar. I tillegg hadde Bjarne sett opp party-telt over langbordet.
Ragnhild serverte rømmegraut og spekemat, noko gjestene ikkje hadde ete før , men alle var like begeistra over den gode grauten.
Eli Berit las eit par dikt om fjorden og dei fjella som omkransar staden.
På tilbaketuren køyrde vi om «Riisetrappa», og Ragna fortalde om rasulukka i 1968.
Søndag kveld samlast ca 40 personar til gryterett , kaffi og stort kakebord på Folkehøgskulen. Sigrid Terøy Finnes song to songar og elles var det både svensk og norske allsongar. Gjestene våre laga kor og framførte ein song. Iris heldt tale om opphaldet , der ho tok utgangspunkt i alfabetet. Vi hadde lyssermoni og takke-/avskjedstaler. Berit takka spes . ISO Karin for god korresbondanse før dette besøket.Klubben fekk pengegåve ( kr. 1000.-) frå gjestene.
Mandag morgon var nokre frå IW til frukost saman med gjestene før vi vinka dei farvel og takka for eit svært hyggeleg besøk. Ordet vennskap passa for alt vi fekk oppleve saman desse dagane.
Ei varm takk til alle som bidrog til at dette blei så vellukka og ikkje minst til president Kari som losa oss trygt og godt gjennom heile helga.!
ELDREFESTEN 2011
Tysdag 22.mars hadde vi den årlege eldrefesten i samarbeid med Ørsta Rotary, og som vanleg fekk vi nesten full sal av blide pensjonistar. Det var song og matøkt, og sjølvsagt loddsal, der dei største gevinstane er sponsa av lokale bedrifter. Hovudposten denne kvelde hadde den lokale historikaren Gunnar Ellingsen: 1.nummeret av lokalbladet Møre-Nytt, fredag 14.juni 1935. Han las mellom anna om nyhende og om personar som mange av dei eldre kjende att.
Trass i mykje arbeid i før- og etterkant av denne årlege samlinga, er alltid konklusjonen den same, at det er verdt det. Godord og takk frå mange av dei frammøtte understrekar det.
Medlemsmøte 06.april Vi starta med kunstutstilling i kunstlaget sitt lokale. Det var kunstnaren Inger Giskeødegård som hadde utstilling av akvarellar og oljemåleri. Ho er frå Giske, og har mellom anna motteke pris som beste avisteiknar.
President Aashild Taklo overrekte blomster til Eli Halsen, som hadde fylt 70 år.
ISO Berit Hatlestad refererte saker frå DISO, og tok spesielt fram orientering om dei nasjonale og internasjonale prosjekta.
Visepresident Kari Juel Rogne refererte frå sakene på årsmøtet i D27. Mellom anna påpeika ho rådspresidenten si bekymring for nedgangen i medlemstalet, og klubbar som blir nedlagde. Det krevst ein dugnad, både medlemsrekruttering rekruttering og fornying er viktige tiltak her.
Liv Rørnes heldt 3minutt: Engelsk tale frå Cheef Seattle’s 1854 Oration. Miljø og forureining var også tema for 150 år sidan!
Presidenten avslutta dette trivelege vårmøtet og orienterte om følgjande: Vi får besøk frå venskapsklubben Ljungby 19.-22.august. Det gamle og det nye klubbstyret må danne arbeidsgruppe i førekant av besøket. 4.mai reiser vi til Lefdal, til Eldbjørg sin residens. Ho inviterte til hjortesuppe. Dei oppsette vertinnene (Ragnhild og Anne Mari) må ordne med kaffimat og gevinstar. Vi prøver å reise samla, og i utgangspunktet satsar vi på ein minibuss. Frammøte ved Nordea-banken kl. 16.30. Påmelding til Solrun seinast 2.mai
Rosesalet 9 april
Nok ein suksess med årets rosesal. Det viste seg å vere fornuftig å flytte det til våren, og dei 600 rosene gjekk raskt unna.
Medlemsmøte 04.mai – vårtur
Vi var 16 medlemmer, inklusivt 2 observatørar, som valde å ta turen til Lefdal denne fine maikvelden. Kl.16.30 var alle på plass, med Steinar Hatlestad som sjåfør. Etter ca halvannan time var vi på Lefdal, der vertskapet, Eldbjørg og Hans Lefdal, stod på gardstunet og tok imot oss.
Inne var borda fint duka i begge stovene og på kjøkkenet, og vi fekk servert herleg hjortesuppe m/brød. Hans fortalde litt historikk, mellom anna om korleis hans foreldre fekk garden i sitt eige. Han avslutta med å gjere oss merksame på kva vi sat på. 150m under jorda er det olivin, og det er grave ut svære gruvegangar.
Eldbjørg fortalde om folket på Lefdal, her lever dugnadsånda. Kvinnene her hadde gått saman for å få gatelys. Dei hadde fått inn midlar gjennom tombola, tigging frå kommune og andre etatar, og til slutt sett mennene i sving med å få opp lyktestolpane. Bygdehus har dei også fått til gjennom dugnad, og det står i dag gjeldfritt.
Så var det omvising på garden. Vi kunne telje 12 sengeplassar inne i huset. I kjellaren har Eldbjørg ei stor, kvitkalka vevstove. Fjøset var ominnreidd til arbeidsrom, med teiknebrett til Hans og ulike vevar til Eldbjørg. På låven hadde dei laga seg til tørkerom for høy; Hans slår teigane med slåmaskin og sel høyet. Han har investert i mykje nyttig reiskap og traktor.
Det vart ein svært triveleg kveld. Til allsongen akkompagnerte Berit Hatlestad på det gamle orgelet i stova. Vi avslutta kvelden med kaffi og medbringa kake. Det vart ikkje tid til dei tradisjonelle klubbsakene, tida gjekk så altfor fort, med triveleg og munter prat rundt borda.
Det vart ei litt brå avslutning på kvelden for å rekke ferje, vi takka for oss og drog frå Lefdal kl. 21.15.
Solrun Sætre
-sekretær-
Legg inn en kommentar